Çfarë do të ndodhë me Brojën pas dëmtimit, Everton mund ta kthejë sërish te Chelsea

Fati nuk ka qenë me të, i penalizuar shpesh nga dëmtimet në karrierën e tij. Bëhet fjalë për Armando Brojën, i cili me gjasa mund të rikthehet në Stamford Bridge më shpejt nga sa pritej. Ylli kuqezi u dëmtua pak ditë më parë dhe me gjasa do të qëndrojë larg fushave për më tepër se dy muaj, kohë që nuk i intereson Evertonit.

Ka qenë trajneri i sapozgjedhur David Moyes, i cili ka bërë me dije se Broja mund ta mbyllë huazimin para kohe dhe të rikthehet te ekipi i tij, Chelsea.

“Mendojmë se do të mungojë për rreth 10-12 javë. Është dëmtim i ligamenteve të kyçit të këmbës. Ka shumë mundësi që të kthehet te Chelsea,” deklaroi tekniku pas ndeshjes me Aston Villan.

23-vjeçari ka luajtur vetëm disa minuta me skuadrën e re, por pësoi dëmtim në ndeshjen e fundit, duke shqetësuar trajnerin Moyes. Aktualisht, Everton është në situatë të vështirë, ku rrezikon rënien në Championship, dhe nëse vijon me këto rezultate, kjo do të jetë realitet. Në ditët në vijim do të qartësohet situata e Brojës, dhe nëse dëmtimi do ta mbajë gjatë larg fushave, kthimi te Chelsea është i pashmangshëm.

LEXONI GJITHASHTU:

• Armando Broja luan titullar në humbjen e Everton
• “Jam i lumtur!”, Armando Broja flet për ndeshjen e parë si titullar pas shumë kohësh