Çfarë fshihnin që s’e lejuan kontrollin e policisë? Flasin dy banoret e MEK

Gazetarja e Euronews Albania, Eksiola Shehu mundi të intervistonte dy banore të MEK-ut, të cilat ngritën shqetësimin për sulmin e ditës së sotme.

Pikërisht një sulm e kanë cilësuar ato kontrollin nga policia shqiptare, duke sqaruar se problemin nuk e kishin me kontrollin e beftë, por me formën se si efektivët kanë hyrë nëpër dhoma duke thyer dyert e duke marrë me dhunë kompjuterat.

Ato thanë për Euronews Albania se brenda kompjuterëve nuk ka pasur asnjë informacion sensitiv.

Ndërkohë sa i takon vdekjes së Ali Mostasharit, njëra nga gratë pohoi se ai ka qenë sportist dhe familjen ja kanë ekzekutuar në Iran.

“Ne ishim falënderues për qeverinë shqiptare kur shkëputi marrëdhëniet me Iranin, por tani jemi të pambrojtur,” – u shpreh njëra nga zonjat.

LEXONI GJITHASHTU:

• Kontrollet e policisë në MEK, muxhahedini i larguar nga kampi: Policia ka të drejtë
• Dhjetëra të lënduar në kampin e MEK, reagon Ministria e Brendshme