Çfarë i shqetëson dhe çfarë u pëlqen shqiptarëve gjatë pushimeve verore brenda vendit

Çmimet janë një nga çështjet që i shqetësojnë më së shumti shqiptarët për sa i përket pushimeve verore brenda vendit, ndërsa bukuritë natyrore ato çka vlerësojnë më shumë.

Ky përfundim rezultoi gjatë sondazhit të “Barometrit” në Euronews Albania ku të pyetur me alternativa se “cilat janë problemet kryesore që hasin gjatë pushimeve” 82.5% zgjodhën “çmimet e larta”, 49.3% “rrugët dhe trafiku” dhe 33% “shërbimi jo i mirë”.

Ndryshe, përballë pyetjes se “çfarë pëlqejnë më shumë gjatë pushimeve në Shqipëri”, më së shumti vlerësuan bukuritë natyrore (40.3%), vendet e qeta (29.5%) dhe ajri i pastër (27.1%).

Sondazhi për pushimet verore u krye gjatë 15-ditëshit të dytë të muajit gusht ku në intervista ballë për ballë u përfshinë 1000 veta.