Nënkryetari i PD-së Oerd Bylykbashi ka zbuluar detaje për marrëveshjen mes kreut të PD-së Sali Berisha dhe kreut të Partisë së Lirisë Ilir Meta, të cilën e nënshkruan ditën e sotme.

I ftuar në emisionin “Now” në Euronews Albania, Bylykbashi tha se secila parti do të ketë këshilltarët e vet, ndërsa shtoi se drejtimin e këshillit bashkiakë do e marrë ajo parti që sjellë më shumë vota.

Më tej ai tha se marrëveshja e nënshkruar ditën e sotme është një marrëveshje e pastër politike.

“Marrëveshja e kësaj radhe është  një marrëveshje qartazi e vërtetë. Është e rëndësishme që kur shtrëngon dorën të jesh i vërtetë. Kjo marrëveshje është e pastër politike. Edhe Ramën po ta pyesësh në një moment rrëfimi pranon që të gjitha pikat në marrëveshje janë problemet që ka Shqipëria. Është shumë e qartë, do të konkurrohet me kandidatë të përbashkët. Teknikalitetet do ulim dhe ti detajojmë.

Ne do të shohim kush janë ato mekanizma që rrisin rezultatin e zgjedhjeve, në dy aspekte, në aspektin për kryetar bashkie dhe mazhorancat në këshillë. Secila parti do të ketë këshilltarët e saj. Ne synojmë fitoren qoftë për kryetar bashkie dhe këshilltarë bashkie. Nëse mazhoranca në këshill do të arrihet për shkak të  votave që sjellë PL, drejtimin e këshillit e merr PL”- tha ai.

LEXONI GJITHASHTU: 

• Hakerat publikojnë të dhënat e kryeministrit Edi Rama/ 5 zhvillimet kryesore
• PD publikon udhëzimin për Primaret në Tiranë, Durrës dhe Elbasan
• Energjia ‘smart’ në Suedi, si po e përballon vendi nordik rritjen e çmimeve