Gazetari Fatos Çoçoli thotë se minimumi jetik është sasia e parave që i nevojiten një familjeje për të ndenjur gjallë.
Në emisionin Now në Euronews Albania, Çoçoli shpjegoi se si ndikon vendosje e minimumit jetik në 3 aspekte, ndër të cilat më e rëndësishme është rritja e pagës minimale përmes indeksimit.
Kjo sipas tij, do të thoshte kosto për biznesin dhe për buxhetin, ndaj të gjitha qeveritë e kanë shmangur miratimin e minimumit jetik.
“Minimumi jetik ka të bëjë me tre aspekte: me paratë shtesë që i duhen asistencës sociale, për të kompensuar minimumin jetik për 2 pensionistë dhe ka të bëjë me nivelin e pagës minimale. Nëse në një familje dy paga minimale s’e arrijnë minimumin jetik duhet t’i indeksohesh. Por kjo është kosto për biznesin dhe buxhetin, ndaj qeveritë i largohen gjithmonë kësaj skeme”, shpjegoi Çoçoli.
LEXONI GJITHASHTU:
- Aktivisti shpjegon çfarë do të thotë për qytetarët minimumi jetik 20 mijë lekë
- Si po e menaxhon qeveria krizën energjetike, sipas ekspertëve
