Çfarë po ndodh në komunat e veriut? Gazetari Gjoci: Ndërtesa janë të boshatisura…

Gazetari Kosovë Gjoci, në një lidhje direkte për Euronews Albania, tregoi se si është situata në katër komunat në veri të Kosovës. Ai tha se ndërtesat komunale janë të braktisura pasi të gjithë punonjësit e administratës kanë dhënë dorëheqjet në mënyrë kolektive.

Gjithashtu ai shtoi se me largimin e zyrtarëve serbë dhe punonjësve të administratës në këto zyra nuk ka asnjë administrim zyrtar.

“Në këto objekte nuk është askush, është policia e Kosovës që po qëndron në këto ndërtesa duke qenë se shpesh herë paraqitja e tyre nëpër rrugë, krijon një reagim  të menjëhershëm. Pak a shumë kështu është situata në Zveçan, e dimë që në Leposaviç ka qenë  kryetari  i komunës që ka ndejtur për ditë të tëra brenda dhe nuk dihet nëse doli apo jo.

Realisht punonjësit e administratës që i kemi parë të premten duke nënshkruar, kanë qenë punonjës të administratës dhe fakti që ata dhanë dorëheqjen në mënyrë kolektive duke përfshirë edhe administratën, atëherë i bie që aty nuk ka punonjës.

Me dorëheqjen e zyrtarëve serbë atje, kryetarëve, gjyqtarëve dhe policëve, realisht në veri nuk ka as një administrim legal shtetëror. Këtu është problemi, por normalisht këta e shfrytëzojnë edhe për një formë “show””,-tha Kosovë Gjoci.

LEXONI GJITHASHTU:

• “Oj Kosovë, oj nana ime” – Rashica feston me këngë patriotike titullin në Turqi
• Eksperti Likaj: Në Shqipëri 75-80% të aksidenteve rrugore i bëjnë burrat