Chollet bisedon me Vuçiçin, më 2 maj pret “takim konstruktiv”

Këshilltari i lartë i Departamentit amerikan të Shtetit, Derek Chollet, ka thënë se shpreson që do të ketë takim konstruktiv mes liderëve të Kosovës dhe Serbisë më 2 maj në Bruksel.

“Bisedë thelbësore, pozitive me presidentin Aleksandër Vuçiç. Ramë dakord për fuqizimin e vazhdueshëm të partneritetit SHBA – Serbi dhe fokus të përbashkët për progresin në dialog, veçanërisht nevojën urgjente për të formuar Asociacionin”, shkroi Chollet në Twitter.

Kjo deklaratë e Chollet të enjten, më 27 prill, vjen në kohën kur Këshilli e Sigurimit të OKB-së bën thirrje që Kosova ta themelojë Asociacionin e komunave me shumicë serbe.

Më 2 maj, në Bruksel, Serbia dhe Kosova pritet të vazhdojnë negociatat për normalizimin e marrëdhënieve, të cilat po i zhvillojnë me ndërmjetësimin e Bashkimit Evropian.

LEXONI GJITHASHTU:

• Pas shkurtimit të vendeve të punës, fitimet e Facebook tejkalojnë pritshmëritë
• Vrasja e Ardian Nikulaj, gazetarja: S’është gjakmarrje, e vrau vrasësi me pagesë