Chollet telefonon Kurtin dhe Vuçiç pas sulmit në Veri: Kthehuni në dialog!

Këshilltari i lartë i Departamentit amerikan të Shtetit, Derek Chollet, njofton se ka zhvilluar bisedë me kryeministrin e Republikës së Kosovës, Albin Kurti, dhe me presidentin serb Aleksandçr Vuçiç, pas sulmit terrorist mbi policinë në veri të dielën.

Chollet ka dënuar sulmin mbi Policinë e Kosovës dhe ka kërkuar që palët t’i kthehen dialogut.

“Bisedova me kryeministrin Albin Kurti pas sulmit të tmerrshëm të së dielës në Kosovë. Dënoj ashpër dhunën kundër Policisë së Kosovës; shpreh ngushëllime për humbjen e rreshterit Afrim Bunjaku. Të dyja palët duhet të kthehen në dialogun e ndërmjetësuar nga BE dhe të zbatojnë angazhimet e Ohrit”, informon Chollet.

Spoke with PM @albinkurti of the heinous attack Sunday in Kosovo. Strongly condemned violence against Kosovo Police; expressed condolences on the loss of Sergeant Afrim Bunjaku. Both sides must return to the EU-facilitated Dialogue and implement Ohrid commitments.

— Derek Chollet (@CounselorDOS) September 26, 2023

Këshilltari i lartë i Departamentit amerikan të Shtetit, Derek Chollet, bën me dije se nga Vuçiç ka kërkuar që të evitohen veprimet që rrisin tensionet për shtensionimin e situatës në veri të Kosovës.

LEXONI GJITHASHTU:

• Policia e Kosovës u jep ushqime serbëve në Banjskë, Kurti: Faleminderit për qetësinë
• Pacolli i del në krah Kurtit: Ofroj ndihmën time në çdo formë të jetë e nevojshme