Politikani Behgjet Pacolli i ka shprehur mbështetjen e tij kryeministrit të Kosovës Albin Kurti “në luftën kundër terrorizmit dhe vendosjen e rendit në veri”.

Përmes një statusi në faqen e vet në Facebook, Pacolli shprehet se i ka ofruar Kurti ndihëm e tij të plotë në çdo formë të nevojshme ndërsa thekson se vetëm të bashkuar mund të luftojnë në keqen e Serbisë.

“Kryeministrit Kurti i kam shprehur mbështetjen time të plotë si në luftën kundër terrorizmit, si për rend dhe ligj në veri. I ofroi ndihmën time të plotë, në çdo formë që mund të jetë e nevojshme. Vetëm të bashkuar do ta luftojmë të keqen e Serbisë. I ftoj edhe kolegët e mi të veprojnë njëjtë! Kosova është mbi të gjitha!” shkruan Pacolli në Facebook.

Më herët Pacolli është treguar kritik ndaj politikës së ndjekur nga Kurti në raport me faktorin ndërkombëtar.

Sipas tij, Kurti asnjëherë nuk ka tentuar të këshillohet me faktorin shoqëror të Kosovës dhe as me faktorin ndërkombëtar.

LEXONI GJITHASHTU:

• Kurti homazhe për policin e vrarë: 22 vite i kaloi me uniformë, përulemi para heroit
• Homazhe për policin e vrarë në Kosovë, i pranishëm Kurti: Afrimi u vra mizorisht