Homazhe për policin e vrarë në Kosovë, i pranishëm Kurti: Afrimi u vra mizorisht

Para Stacionit Policor Qendër në Prishtinë, po bëhen homazhe për Policin e rënë sot në krye të detyrës, Afrim Bunjaku.

Në nderim të tij, Kryeministri i Republikës së Kosovës, Albin Kurti së bashku me anëtarë të kabinetit qeveritar kanë ndezur qirinj.

Kurti në një deklaratë për mediat, teksa e ka cilësuar sulmin si terrorist theksoi  polici u vra në mënyrë mizore.

“Ishim për ngushëllime të familja e policit dhe këtu me ndezjen  e qiririt e shtojmë një dritë të vogël për shpirtin e madh të Afrim Burnjakut që me trimërinë dhe sakrificën e tij ndryshoj rrugën e shtetit të së drejtës së Kosovës që nuk zmbrapset para asnjë krimineli dhe terroristi. Takuam gruan e tij dhe tre fëmijët e tij, takuam farefisin të cilët bashkarisht me ne, ndamë dhimbjen dhe pikëllimin për policin që e humbi sot Kosova. I falënderoj ambasadorët e shteteve mike që na janë bashkuar sot në homazhe. Lavdi Afrimit.

Ajo që dihet tashmë është se kemi pjesëtarë të atij formacioni profesionist të huaj që kreu sulmin terrorist që vrau mizorisht Afrimin”-tha Kurti.

LEXONI GJITHASHTU: 

• Sulmi me armë në Veri/ Policia kryen kontrolle të rrepta në Banjskë të Zveçanit
• Islami: Armatimet e autoblindat hyjnë nga Serbia, dështim i dyfishtë i SHIK dhe KFOR