Cila është prova më e fortë kundër Fredi Belerit? Flet avokati i tij

Avokati i Fredi Belerit, Edmond Dëma tha për “Review” në Euronews Albania se nuk ka asnjë provë kundër klientit të tij, përveç një dëshmie.

Sipas avokatit, bëhet fjalë për 40 mijë lekë të reja që i ka pasur në xhep bashkëpunëtori i prokurorisë, i cili pretendon se ato para ia ka dhënë personi tjetër që është arrestuar bashkë me Fredi Belerin, por i konsultuar me këtë të fundit.

“Fredi Beleri e tha dhe vet sepse mbajti dhe qëndrimin e tij vet, përveç pretendimeve tona si mbrojtës, dhe tha që nuk ka prekur lekë me dorë, nuk ka dhënë lekë, nuk ka marrë premtime,” – u shpreh Dëma.

Avokati tha se pretendimi i bashkëpunëtorit të prokurorisë është e vetmja provë me të cilën akuzohet Beleri.

“Ne pretenduam dhe në gjykatë se çdo veprim i bërë nga personi i infiltruar ka qenë provokativ, pra ai e ka provokuar kryerjen e filmimit sepse ka kërkuar me ngulm të paparë çdo ditë Fredin për ta takuar derisa t’i jepte atë listë dhe të merrte lekët,” – u shpreh Dëma.

LEXONI GJITHASHTU:

• “Arrestimi i Belerit veprim skandaloz”, Xhaçka i përgjigjet Athinës zyrtare
• U arrestua për shitblerje votash, del fotoja e Fredi Belerit në sallën e gjyqit