U arrestua për shitblerje votash, del fotoja e Fredi Belerit në sallën e gjyqit

Gjykata e Vlorës vendosi masën e sigurisë arrest me burg për Fredi Belerin, kandidati i koalicionit Bashkë Fitojmë për bashkinë Himarë, i cili u arrestua një ditë më parë për shitblerje votash.

Euronews Albania ka siguruar foton e Belerit teksa ndodhej në sallën e gjyqit.

Pas vendimit të gjykatës së Vlorës, Beleri u transportua në Tiranë pasi çështja ndaj tij është marrë përsipër nga SPAK, institucioni që ka nën juridiksion krimet zgjedhore.

Ministria e Jashtme greke ka reaguar në lidhje me vendimin e gjykatës së Vlorës për të lënë në burg kandidatin për bashkinë e Himarës, Fredi Beleri. Përmes një deklarate zyrtare Ministria e Jashtme greke bën me dije se nëse provat për arrestimin e Belerit nuk janë të pakundërshtueshme, atëherë kemi të bëjmë me një rast skandaloz.

LEXONI GJITHASHTU:

• Gjykata la në burg Belerin, reagon shoqata Omonia
• Lënia në burg e Fredi Belerit, reagon Ministria e Jashtme greke