Cilat janë festat e preferuara të shqiptarëve?

Viti i Ri është festa e preferuar e shqiptarëve. 96% e tyre e vlerësojnë Vitin e Ri si një nga tre festat më të rëndësishme për ta.

Vrojtimi i Barometrit në Euronews Albania i pyeti qytetarët për festat e tyre të preferuara dhe mënyrën se si i kalojnë këto festa.

Mes festive fetare, Bajrami i Madh (ose Kurban Bajrami) është më e preferuara (63%).

Më pas vijnë Krishtlindjet (27,4%) dhe Pashkët (21%).

Festat kombëtare të Shqipërisë nuk janë ndër të preferuarat e tyre.

Më pak se një në dhjetë shqiptarë (6%) preferon festën e flamurit dhe akoma më pak preferohet dita e çlirimit (2,6%).

Gjetjet janë të Barometrit të realizuar në 20-30 nëntor 2021, kryer nga MRB dhe Data Centrum në nivel kombëtar, me 1000 intervista ballë për ballë në familje.