Cilat janë format më të shpeshta të diskriminimit në vendin e punës?

Esmeralda Hoxha, koordinatore e qendrës Aleanca Gjinore për Zhvillim foli rreth një raporti të realizuar për të kuptuar diskriminimet gjinore në vendin e punës.

Ajo sqaroi për “Mirëmëngjes” në Euronews Albania disa nga format e diskriminimit që jo gjithnjë konsiderohen si të tilla, për shkak të mungesës së informacionit. Hoxha e konsideroi këtë edhe një problematikë që vjen si pasojë e mungesës së edukimit qytetar ligjor.

• Ngritja e zërit
• Mospagesa e lejes së lindjes
• Mosdhënia e lejes vjetore e paguar sipas legjislacionit janë disa nga format e diskriminimit.

Prekja pa dëshirën e personit, e tipit “bravo” me dorën në shpatulla cilësohet ngacmim seksual. Në fakt, Hoxha solli në vëmendje se duke pasur afrimitet në vendin e punës, shpesh diçka e tillë sado keq mund të na bëjë të ndihemi, anashkalohet me idenë “mes kolegësh”.

“27% të të anketuarve kanë pranuar që janë ngacmuar seksualisht me pjesën më të madhe janë gra dhe vajza. Fatkeqësisht vetëm 4% prej tyre kanë pranuar, kanë menduar dhe kanë bërë një raportim në polici,” – u shpreh koordinatorja.

Ajo tha se pjesa tjetër e rasteve të paraportuara trajtohen privatisht duke u larguar nga puna, apo duke e zgjidhur me të afërmit.

LEXONI GJITHASHTU:

• Diskriminimi gjinor në punë, Hoxha: Ka ngacmime seksuale të paraportuara kurrë