Cilat shtete iu kanë mbyllur hapësirën ajrore avionëve rus?

Belgjika iu bashkua të dielën listës së shteteve në Europë që kanë ndaluar udhëtimet për avionët rus.

Një ditë më parë, Estonia, Lituania, Rumania dhe Letonia deklaruan se avionët rutë nuk mund të fluturojnë në hapësirën e tyre ajrore.

“Qiejt tanë europianë janë të hapur.  Ata mbeten të hapur për ata që lidhin njerëzit e jo për ata që synojnë t’i sulmojnë në mënyrë brutale”, tha në Tëitter kryeministri belg, Alexander De Croo.

“Ftojmë të gjitha shtetet e BE të bëjnë të njëjtën gjë. Nuk ka vend për avionët e shteteve agresore në qiejt demokratikë”, tha kryeministri estonez Kaja Kallas të shtunën.

Edhe Rumania ndoqi të njëjtën rrugë, teksa e cilësoi sulmin rus në Ukrainë si të “paprovokuar” dhe të “pajustifikuar”, konfirmoi misioni e Rumanisë në NATO.