Çipa: U diskriminuan partitë e vogla, menataliteti i shqiptarëve i beson të fortit

Analisti Aleksandër Çipa tha për Euronews Albania se rikonfirmimi i një mandati të tretë për PS ishte një befasi, por kjo sipas tij lë në fuqi bipolaritetin partiak në Shqipëri, çka do të bëjë që parlamenti i ri të dominohet nga dy partitë e mëdha, PS-PD.

Sipas tij, optimale do të ishte që kishim një vlerë plurale, në mënyrë që në parlamentin e ri të kishim 4-5 parti të vogla që të ndikonin në vendimmarrje.

Për z. Çipa realiteti i konkurrencës politike në Shqipëri diskriminon aktorët e rinj të politikës, të cilët siç tha nuk ka mundësinë e infrastrukturës.

“Partitë e vogla kanë një diskriminim se nuk përdorin infrastrukturën si shumica apo forca kryesor opozitare. Kjo lidhet me mendësinë e elektoratit tonë se i besojmë të madhit, të fuqishmit dhe nuk e delegojmë të aktorët e tjerë”, u shpreh z. Çipa.

Nga këto zgjedhja sipas z. Çipa meritojnë një analizë të thellë pjesëmarrja e qytetarëve dhe vota preferenciale për kandidatët për deputet.

“Dy elemente të pritshme të domosdoshëm për t’u përdoru si kampion analize të thellë janë pjesëmarrja e qytetarëve, pasi ende nuk ka një shifër nga KQZ. Së dyti, votat që do shpalosen për kandidatët për deputetë”, tha Aleksandër Çipa.