“Cllevio” ekstradohet sot nga Dubai drejt Shqipërisë, ndaj tij 4 masa sigurie

Kleviol Ahmetaj, personazhi i njohur si këngëtari “Cllevio”, pritet të ekstradohet në mbrëmje nga Dubai në drejtim të Shqipërisë.

Burime të Euronews Albania bëjnë me dije se këngëtari ka qenë i ndaluar në Emiratet e Bashkuara Arabe për shkelje të ligjit mbi përdorimin e drogave dhe prishje të qetësisë publike, dhe pas lirimit është vendosur dëbimi i tij.

Në Shqipëri, “Cllevio” dyshohet për disa ngjarje dhe për të janë në fuqi 4 masa sigurie “arrest me burg” nga disa gjykata, për përndjekje, shkelje të arrestit në shtëpi, kanosje dhe shkatërrim prone.

“Cllevio” u bë i njohur pas rivalitetit me këngëtarin Noizy, me të cilin është konfrontuar edhe fizikisht.

Po ashtu, ai njihet edhe si mik i të “fortit të Lushnjës”, Lert Haxhiu.

LEXONI GJITHASHTU:

• Noizy tërheq denoncimin ndaj reperit Cllevio: E bëra jo nga frika, por…
• Kërcënoi në Tik-Tok “Noyzin”, ndalohet në Rinas reperi “Cllevio Serbiano”