Çmimet e ulëta të produkteve| Fermerët e Maliqit në protestë, bllokojnë rrugën

Fermerë të fushës së Maliqit kanë bllokuar segmentin e rrugës nacionale nga kryqëzimi i Drithasit deri në afërsi të fshatit Symiz. (Korçë – Pogradec)

Shkak i kësaj proteste janë bërë çmimet e ulëta të kulturave bujqësore të grurit, misrit dhe patates.

Sipas fermerëve mosshitja e prodhimeve edhe këtë vit ka ardhur pasi sasi të mëdha të këtyre kulturave bujqësore importohen nga vende të rajonit me çmim të të lirë se ai i tregut vendas.

Në kushte të tilla policia ka devijuar lëvizjen e mjeteve drejt kryeqytetit dhe anasjelltas nëpërmjet rrugës e cila të çon drejt qytetit të Maliqit për të kaluar në aksin nacional në afërsi të fshatit Symiz dhe Libonik.

Protesta është shoqëruar me tensione dhe përplasje mes protestuesve dhe Policisë së Korçës, por edhe mes vetë organizatorëve e të pranishmëve.

LEXONI GJITHASHTU:

• Braktisja e fshatit Çeprat, fermerët pa subvencione, të rinjtë janë larguar
• Çmimi i ulët i perimeve, fermerët në Gostimë të Elbasanit të shqetësuar