Çmimi i naftës arrin nivel rekord, më i larti prej 2014

Çmimi i naftës ka arritur nivel rekord pas ndërhyrjes ushtarake në Ukrainë të Rusisë, që është një nga prodhueset më të mëdha të energjisë.

Nafta ka shkuar në 100 dollarë për fuçi, niveli më i lartë që prej vitit 2014.

Rol kanë luajtur sanksionet e vendosura ndaj Rusisë, që e kanë kthyer atë në një vend të izoluar nga tregjet ndërkombëtare.

Rritja e çmimit të naftës është shoqëruar me rënie të bursave.

Për shkak të krizës në Ukrainë u mbajt një takim i jashtëzakonshëm i Agjencisë Ndërkombëtare të Energjisë, ku u ra dakord që 31 vendet anëtare të hedhin në treg 60 milionë fuçi nga rezervat strategjike.