Çollaku për protestën e 6 dhjetorit: Gafë e rëndë diplomatike e dhuratë për Ramën

Deputeti i Partisë Demokratike Kreshnik Çollaku, ka reaguar shumë ashpër pas njoftimit që bëri Berisha për të organizuar protestën e tretë kombëtare të opozitës me 6 dhjetor.

Në një postim në rrjetet sociale, çollaku e ka cilësuar si gafë të rëndë thirrjen e protestës së Berishës më 6 dhjetor kur në Tiranë zhvillohet samiti i BE-së me krerët e Ballkanit Perëndimor.

Sipas tij një vendim i tillë përveçse është gafë diplomatike është edhe një dhuratë që i bëhet Edi Ramës nga Sali Berisha.

“Thirrja e një proteste ne 6 dhjetor, ditën kur ne Tirane mblidhen liderat e BE, si nje akt të fortë demonstrimi gjeostrategjik të së ardhmes se Ballkanit Perëndimor në kundërshtim të përpjekjeve ruse per destabilizim të Ballkanit, është e gabuar dhe një akt që e dëmton opoziten në planin ndërkombëtar.

Thirrja e një proteste ne Tirane ndërsa mblidhen krerët e BE, do të ishte një dhuratë e pamerituar për Edi Ramën.

Unë shpresoj mendjet e qeta e të kthjellta do të ndalin këtë akt që do të lexohet keq..

Për të protestuar kemi çdo ditë të vitit.

Ne 6 dhjetor mos ia bëni Ramës këtë dhuratë”- shkruan ai.

LEXONI GJITHASHTU: 

• Disa të shoqëruar në Divjakë se morën pjesë në protestë, reagon deputetja e PD
• Si të jetosh vetëm, historia e të moshuarit që merr 150 mijë lekë pension