Në Euronews Albania vjen rrëfimi i jetës se Klevis Kasos, basketbollistit që hoqi dorë nga sporti për të ndihmuar familjen në biznes.
Në rrëfimin e tij për emisionin “Profil” përball Greta Topjanës, Kaso ka treguar për pasionin mbi basketbollin, frikërat nga falimentimi në biznes deri te përfshirja në politikë.
Tashmë ai ka një tjetër sfidë, kandidaturën si deputet në qytetin e lindjes, në Vlorë…
“Kam marr detyrën për të qenë koordinatori i diasporës për qytetin e Vlorës dhe në 4 muaj, kemi bërë diasporën me shumë pasion. Kjo u duk nga drejtuesi politik i qarkut të Vlorës, Bledi Çuçi, ai më tha “me energjinë që të karakterizon, unë dhe kryeministri kemi menduar që ti të jesh në listën e hapur për qarkun e Vlorës”.
Realisht ishte një surprizë, nuk e prisja. Në fakt e kisha ëndërruar që do e kërkoja një ditë, por nuk e kisha menduar në këtë moment, mendoja se duhet të jepja akoma më shumë. E kisha ëndërruar parlamentin, por ka qenë një ëndërr që vinte dhe shkonte”,-tha Kaso.
LEXONI GJITHASHTU:
- “Dil jashtë, je shqiptar”- Kandidati për deputet: Si u paragjykova në Gjermani
- Shehaj: Partia Mundësia, opozita e vërtetë. Do t’ua nxijmë jetën atyre që vjedhin
