Çuçi: Në 14 maj do votojnë edhe ata që u ka skaduar mjeti i identifikimit

Ministri i Brendshëm Bledi Çuçi tha pas mbledhjes së qeverisë mëngjesin e së enjte se të gjitha mjetet e identifikimit që kanë skaduar apo do të skadojnë deri më 14 maj, do të jenë të vlefshme për zgjedhjet lokale.

Çuçi theksoi se ky vendim u mor me qëllim që të gjithë qytetarët kanë të drejtë që të votojnë në zgjedhje.

“Vendosëm që të shtyjmë afatin e kartave të identitetit që ka skaduar ose skadojnë me 14 maj. Është një shtyrje që vjen në konsultim me KQZ duke parë numrin e madhtë mjeteve të identifikimi që kanë skaduar ose skadojnë deri në 14 maj. Në këtë mënyrë të gjithë shtetasit do të mund të votojnë pavarësisht nëse mjeti i tyre i identitetit ka skaduar.

Gjithashtu, një vendim i rëndësishëm është për t’i hapur rrugë zbatimit të strukturës së re të policisë së shtetit duke miratuar të gjithë strukturën e gradave në polici. Tashmë struktura që është miratuar fillon zbatimin dhe është një ndër reformat më të mëdha strukturore që ka bërë policia e shtetit në ristrukturimin tërësor të policisë kriminale, besoj se është një ndër vendimet më të rëndësishme në realizimin e një ndër objektivat e ministrit për 2023”, tha ministri.

LEXONI GJITHASHTU:

• Zbardhet vrasja në Shëngjin, Çuçi përgëzon policinë
• Shpërthimi ndaj Ndrecës, Zhupa drejton gishtin ndaj Çuçit: Ku janë hetimet