Çuçi për konfliktin në Krujë: Askush s’është mbi ligjin, policia do të kapë autorët

Një sherr masiv ka ndodhur ditën e djeshme në aksin rrugor Fushë Krujë – Thumanë mes dy fiseve, Maja dhe Rraja, të përfshira në një konflikt për një gurore. Pas publikimit të pamjeve në rrjetet sociale, ministri i Brendshëm Bledi Çuçi ka reaguar për ngjarjen duke thënë se policia po punon për kapjen e autorëve.

Ai i ka cilësuar si të rënda dhe të papranueshme pamjet e dhunës duke theksuar se askush s’është mbi ligjin.

“Të rënda e të papranueshme pamjet e dhunës në Krujë. Askush nuk është mbi ligjin dhe s’mund t’u shpëtojë përgjegjësive në asnjë rrethanë. Policia e Shtetit ka ushtruar kontroll të imtësishëm në banesat e të dyshuarve, ka arrestuar 4 persona sot herët në mëngjes dhe po punon për kapjen sa më parë të 3 të tjerëve të përfshirë në ngjarje. Çdo insinuatë tjetër s’ka lidhje me të vërtetën dhe me punën e Policisë së Shtetit për të çuar autorët përpara drejtësisë,” – shkroi ministri Çuçi në Twitter.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Konflikti për guroren në Krujë, pamjet kur dy fiset zihen me hunj në mes të lokalit
• Vrasja e kunatit të Bejtjas në Krujë, Valter Bami arrestohet si i dyshuar