Konflikti për guroren në Krujë, pamjet kur dy fiset zihen me hunj në mes të lokalit

Euronews Albania ka mundur të sigurojë pamjet e një sherri masiv që ndodhi ditën e djeshme në në aksin rrugor Fushë Krujë – Thumanë mes dy fiseve, të përfshira në një konflikt për një gurore.

Siç shihet dhe nga pamjet e mësipërme në konflikt janë të përfshirë disa persona të cilët qëllohen me hunj në mes të një lokali të populluar me njerëz të tjerë të cilët pijnë kafe.

Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili ka leje shfrytëzimi dhe licensë për zhvillimim e aktivitetit dhe sipas pretendimeve të shtetasve të dëmtuar (B. M. dhe J. M.) kur ndodhin plasje në gurore, krijon shqetësime në banesat e tyre.

“Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.

Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë”, njofton policia.

LEXONI GJITHASHTU:

• Vrasja e kunatit të Bejtjas në Krujë, Valter Bami arrestohet si i dyshuar
• Vrasja e kunatit të Bejtjas, foto e makinës së atentatorëve. Mjeti u vodh në Tiranë
• U shoqëruan për vrasjen në Larushk, zbardhet dëshmia e Marklen Hakës e Valter Bamit