Daçiç: Dialogu, mënyrë më e drejtë për arritjen e marrëveshjes me Kosovën

Kryetari i Kuvendit të Serbisë, Ivica Daçiç deklaroi se dialogu është mënyra më e drejtë me të cilën mund të arrihet një marrëveshje me Kosovën.

Deklaratën, Daçiç e dha këtë të enjte në Beograd, gjatë bisedës me Përfaqësuesin e BE-së për dialogun Kosovë-Serbi, Miroslav Lajçak, shkruan Tanjug.

“Pala jonë është e gatshme të vazhdojë dialogun për shumë çështje të hapura, por theksojmë se nuk jemi të gatshëm të pranojmë asnjë vendim të njëanshëm, i cili nuk ka rezultuar nga marrëveshja në dialog dhe që rrezikon drejtpërdrejt të drejtat e Serbisë, tha Daçiç.

Ditën e djeshme Miroslav Lajçak u shpreh se tanimë është momenti që të fillohen takime më të shpeshta mes kryeministrit të Kosovës, Albin Kurti dhe presidentit të Serbisë,  Aleksanër Vuçiç.

Sipas tij, marrëveshjet e miratuara midis dy vendeve duhet të zbatohen.

LEXONI GJITHASHTU

• Serbia pas reciprocitetit: Kosova po përgatit konflikt të madh
• Një tjetër shtet ka tërhequr njohjen e Kosovës, sipas Vuçiç