Dalin para Gjykatës së Tiranës 18 të arrestuarit për protestën e 20 shkurtit, çfarë kërkon prokuroria

Në Gjykatën e Tiranës zhvillohet këtë të hënë seanca për caktimin e masës së sigurisë ndaj 18 të arrestuarve pas protestës së 20 shkurtit.

Burime bëjnë me dije se prokuroria ka kërkuar vendosjen e masës “detyrim paraqitje” për të rinjtë e ndaluar.

Vendimi pritet të merret nga gjyqtarja Klejda Meçe, e cila do të shqyrtojë kërkesën e organit të akuzës dhe do të vendosë mbi masën e sigurisë për secilin prej tyre.

Kujtojmë që kjo ishte protesta e katërt kombëtare e opozitës, ndërsa Berisha lajmëroi se protesta e ardhshme do të organizohet më 28 shkurt.