Dalin pamjet, Rei Nozlli shoqërohet nga policia pas incidentit në KZAZ e Kasharit

Këto janë momentet kur policia shoqëron 26-vjeçarin Rei Nozlli, i dyshuar për goditjen e kryetarit të KZAZ-së në Tiranë.

Rei Nozlli, i cili dyshohet se goditi kryetarin e KZAZ-së në Tiranë, thuhet se ishte vëzhgues nga radhët e deputetit të Partisë Socialiste, Orlando Rakipi.

Incidenti ndodhi këtë të enjte në KZAZ-në e Kasharit, ku, siç shihet nga pamjet filmike, një person godet kryetarin e KZAZ-së.

Personi i dyshuar është 26-vjeçari Rei Nozlli, i cili shihni në këto pamje duke u shoqëruar nga policia.

Ky incident shkaktoi ndërprerjen përkohshme të procesit të numërimit të votave për zgjedhjet e 11 majit.

Kreu i KZAZ-së në Kashar, që është nga radhët e Partisë Demokratike, u godit gjatë këtij përplasjeje fizike. Numërimi i votave në këtë qendër mbetet i pezulluar deri në njoftimin e mëtejshëm nga autoritetet.

Në lidhje me pretendimet për përfshirjen e punonjësve të policisë në konflikt, autoritetet sqarojnë se këto janë të pavërteta. Policia vijon punën për shoqërimin dhe dokumentimin e plotë të rrethanave dhe personave të tjerë të përfshirë në konflikt.

LEXONI GJITHASHTU:

• Qëlloi me grusht kryetarin e KZAZ në Kashar, arrestohet 26-vjeçari
• “Autori u largua”, Këlliçi dhe Balliu: Si u godit sekretari i KZAZ në Kashar