Dalja nga monitorimi i KiE| Majko: Vendimi tregues! Basha: Do e dëgjoni krismën

Raporti i Asamblesë Parlamentare të Këshillit të Evropës për daljen e Shqipërisë nga lista e vendeve nën monitorim ishte shkak i replikave në parlament mes deputetit socialist Pandeli Majko dhe kryetarit të partisë demokratike, Lulzim Basha.

“Këshilli i Europës mori një vendim i cili me thënë të drejtën është tregues se, o kolegët tanë të delegacionit kanë punuar më shumë sesa duhet, ose zoti Basha ka tradhtuar më shumë sesa duhet. Zoti Basha është thjesht një humor”- tha Majko.

“Shqetësimi në Këshillin e Evropës është dyfish më i madhe sesa vitin e kaluar. Kjo është meritë e kryeministrit tënd, qeverisë tënde, e korrupsionit, e bashkëpunimit ashiqare të dokumentuar në cdo instancë, edhe në këshillin e evropës mes qeverisjes dhe krimit të organizuar. Do t’ja dëgjoni krismën!”- tha Basha.

Pas një votimi unanim një ditë më parë, Shqipëria pas 29 vitesh doli nga lista e vendeve nën monitorim nga Këshilli i Evropës.

LEXONI GJITHASHTU:

• Shqipëria del nga sistemi i monitorimit të KiE, Nikolla: Tregon arritjet e reformave
• Vota kundër Kosovës në KiE e deputetëve të Melonit, Basha: Na surprizoi, s’e prisnim