Dallimet e shqiptarëve sipas qarqeve, INSTAT: Lezha më shumë papunësi

Instituti i statistikave me anë të vjetarit rajonal statistikor, ka nxjerr në pah se çfarë e identifikon çdo qark.

Nëse do të shkoni në Durrës do të përballeni shpesh me trafik dhe rrugë të mbushura me automjete, pasi Durrësi  rezulton të jetë me numrin më të lartë të auto-veturave për pasagjerë me 279, për 1.000 banorë.

Njerëzit më punëtorë duket se janë në Gjirokastër, e cila ka shkallën më të lartë të pjesëmarrjes në forcat e punës me 68,8 %, për popullsinë mbi 15vjeç.

E kundërta e saj është Lezha, me shkallën më të lartë të papunësisë në rang vendi me 22,6 %.

Ligji duket se gjen zbatim më mirë në Shkodër pasi këtu regjistrohet norma më të ulët e të pandehurve me 33,3 për 10 mijë banorë.

Dibra mban stafetën e numrit më të lartë të lindjeve për grua në shkallë vendi, ndërsa Kukësi numëron më shumë lindje se fatalitete.

E kur flasim për kryeqytetin shohim se ka përqindjen më të ulët të mbetjeve të pamenaxhuara me 5.399 tonë.

Vlora është qarku me shkallën më të lartë të të regjistruarve në arsimin e mesëm privat kundrejt të regjistruarve në arsimin e mesëm me 19,4 %.

Prodhimi i rrushit është më i lartë se kudo në berat, me 17 mijë ton prodhim në vit, ndërsa Elbasani është qarku i dytë nga sipërfaqja e mbjellë me bimë të arave.

Qarku Fier rezulton me numrin më të lartë të gjedhëve me 58.000 krerë

E ndërsa Korça e njohur për mollët, ka volumin më të lartë të prodhimit të pemëve frutore me 89,7 mijë tonë.

LEXONI GJITHASHTU: 

• U mbajt dy javë nën vëzhgim në Dubai, si policia arriti tek atentatori i prokurorit
• “Joy u vra nga qeveria”- Balla i përgjigjet Berishës: Mashtrues ordiner