“Joy u vra nga qeveria”- Balla i përgjigjet Berishës: Mashtrues ordiner

Kreu i Grupit Parlamentar të PS, Taulant Balla i është përgjigjur akuzave të  kreut të PD, Sali Berisha për vdekjen e kenianes Joy Ayoko.

Në një intervistë për Euronews Albania, Balla e ka konsideruar Berishën si mashtrues ordinerë ndërsa ka shtuar se çdo ngjarje të  rëndë përpiqet që ta përdorë për qëllime politike.

“Saliu është një mashtrues ordinerë, më vjen keq që harxhoni sekonda me  të. Për ne shqiptarët që krenohemi që “shtëpia e shqiptarit është e Zotit dhe e mikut”, rasti në fjalë është një rast tepër i rëndë, ku të gjitha strukturat  e shtetit, prokuroria, duhet të bëjnë hetime të thella dhe kushdo që është i përfshirë në humbjen e kësaj jete të pafajshme, drejtësia të bëjë  detyrën. Ai katrani me bojë edhe një rast të rëndë trafik mundohet ta përdor për qëllime tragjike, apo për të bërë pis kundërshtarin”- tha ai.

LEXONI GJITHASHTU: 

• “Rama të mos bëj gjyqtarin”/ Balla i përgjigjet Ahmetaj: PS nuk është zyrë avokatie
• 1 vit nga pushtimi rus, Meta: Populli ukrainas frymëzim për botën