“Dashurova në Paris kur sistemi na i ndalonte”, rrëfimi i profesorit të frëngjishtes

Letërsia dhe natyra padiskutim që e kanë një lidhje të fortë, ndërsa për ne në “Real People” e ka emrin Ilia Lëngu.

Në një rrëfim ndryshe ai tregoi dashurinë e tij në Paris dhe pse sistemi komunist ia ndalonte.

“Ne na porositën që të mos ndaheshim në Francë, por ishte e pamundur të zbatohej. Secili nga ne kishte krijuar miqësi dhe lidhje dashurore. Ishte e pashmangshme.

Në atë moshë 20-25 vjeç që kam jetuar në Francë, në fund kur në familjen e vajzës me të cilën unë isha lidhur, kur u thash atyre që unë do largohem për në Shqipëri, te ata u ngjall keqardhje dhe mërzitje. Ata mendonin se unë do lidhesha më seriozisht.

Unë nuk e mendova asnjëherë sepse i dija pasojat për familjen. Më pas ajo vajzë ka ardhur edhe në Tiranë. Unë u ktheva në 1970, në ’72 ajo ka ardhur. Unë raportova që do takoja një shoqe franceze. Më pas për ca kohë ne patëm korrespondencë p[më pas edhe ajo u ndërpre nga sigurimi, se letrat hapeshin”, -tha Ilia Lëngu.

Ai tregoi se miken e tij e ka takuar sërish shumë vite më vonë, ku edhe kanë folur për të kaluarën e tyre.

LEXONI GJITHASHTU:

• Ilia Lëngu, profesori i frëngjishtes që jeton mes zogjve dhe kërpudhave
• Real People| A janë vërtetë murgjit budistë?