Letërsia dhe natyra padiskutim që e kanë një lidhje të fortë, ndërsa për ne në “Real People” e ka emrin Ilia Lëngu. Dikur profesor letërsie, sot Ilia Lëngu është i pasionuar pas shpendëve dhe kërpudhave, që sipas tij janë mrekullia e jetës.

Me moderatorin Flor Gjini ai tregoi kërpudhën e veçantë që ka zbuluar.

“Unë fillimisht kam pasur pasion kërpudhat. Ato janë një nga mrekullitë e natyrës. Që nga forma ngjyrat, kërkimi i tyre në natyrë. Me kërpudhat nuk duhet të guxosh shumë se mund të jenë edhe helmuese, unë kam mbi 10 libra për kërpudhat”,-tha ai.

Ai ka treguar me foto kërpudhën më të veçantë që ka gjetur.

“Kjo është kërpudha më e madhe që unë kam gjetur. Kjo është gjetur në Strugë. Peshonte 1 kilogram e 350 gramë, kjo është porçini. Kemi qenë 6 veta në Strugë dhe jemi kënaqur e kam gatuar unë”,-tha profesor Lëngu.

LEXONI GJITHASHTU:

• Shpallen rezultatet e zgjedhjeve në Gjeorgji, kreu i komisionit spërkatet me bojë
• Lihet në burg mësuesi që ngacmoi nxënëset e mitura, avokati: Ishte i dehur