Debat mes deputeteve të PD-së e PS-së në Komisionin e ‘Territoriales’, shkak Veliaj
Komisioni i Reformës Territoriale është shoqëruar me debate, ku shkak është bërë mungesa e kryetarit të Bashkisë së Tiranës, Erion Veliaj.
Ky i fundit ka refuzuar të marrë pjesë në Komision, pasi ishte thirrur për të marrë pjesë në procesin e konsultimit.
Deputetja e PD-së Dhurata Çupi kërkoi që para Komisionit të vinte Veliaj, ndërsa deputetët e PS-së i kujtuan se edhe kryebashkiaku i Shkodrës Bardh Spahia, mungoi dje në Komision.
Ka qenë Anila Denaj, e cila hapi debatin duke thënë se është e rëndë që karriget e anëtarëve të opozitës, janë bosh. Kësaj të fundit menjëherë i është përgjigjur Çupi, e cila i tha të mos japë kërkojë mbushje karrigesh, kur Veliaj nuk është i pranishëm.
PJESË NGA DEBATI:
Anila Denaj: Nuk kemi debat për rradhën, por është e rëndë që opozita ska prezencë sot, janë bosh karriget e anëtarëve të opozitës. Ky komision duhet të niste në 09:00 e nisi me vonesë, pasi s’ka asnjë deputet të opozitës.
Dhurata Çupi: Jemi këtu për të dëgjuar kryetarët e bashkive.
Anila Denaj: Po duhet të ishte opozita ta dëgjonte, që nuk është dhe nuk po i përfaqëson qytetarët. Edhe pse opozita e ka kërkuar këtë komision, karriget janë bosh.
Dhurata Çupi: Duhet të ishte dhe kryetari i bashkisë. Të ishte aty.
Anila Denaj: Bashkia e Tiranës është e përfaqësuar. Respektojmë njëri-tjetrin kur marrim fjalën. Është debat i panevojshëm.
Dhurata Çupi: Është shumë i nevojshëm.
Anila Denaj: Pa emocione. Opozita duhet të ishte këtu për t’i dhënë rëndësinë.
Dhurata Çupi: Dilni në media dhe jepni deklarata fundore dhe më pas kërkoni mbushje karrigesh. Mos jepni deklarata ndërsa këtu nuk vjen kryetari i Bashkisë.
Anila Denaj: Ju lutem ruani qetësinë.
LEXONI GJITHASHTU
“Arkivoli në protestë i papranueshëm!” Çipa: Simbolikat me vdekje janë të rrezikshme!
“Ramës ja uruan ditëlindjen protestuesit!”Briseida Çakërri: Duket protestë paqësore edhe pse thanë se do eskalojë
Arkivoli në protestë, Balla tregon kush e solli dhe sulmon Berishën: E ka bëre 28 vite më parë
- 09:49 Një amerikan fiton 1.3 milionë dollarë në të njëjtën lotari që fitoi 15 vjet më parë
- 09:44 “Asnjë ndërtim në Porto Palermo”, Rama reagon ndaj lajmeve në rrjetet sociale: Është shpallur monument kulture
- 09:38 Amaneti i Koço Qëndros: Mos mbani homazhe për mua
- 09:29 21 të arrestuarit e protestës te Parlamenti dalin sot për masë sigurie, pritet protestë para Gjykatës
- 09:13 Tërmetet në Venezuelë morën pothuajse 3,000 jetë, operacionet humanitare vazhdojnë
- 09:10 Kartëmonedhat me firmën e Trumpit hidhen në qarkullim