“Debat për tensionet në Kosovë”, Gjosha: BE nesër në Tiranë të dënojë sulmin në Veri

Ish-ministrja e Integrimit Europian Klajda Gjosha ka komentuar Samitin e Procesit të Berlinit që do të mbahet ditën e nesërme në Tiranë, ku tha se shpreson se do të merren vendimarrje të rëndësishme.

Në një intervistë për emisionin “Review” në Euronews Albania, ajo theksoi se nesër duhet të ketë debat për Kosovën dhe BE duhet ta dënojë sulmin në Veri më 24 shtator.

“Më në fund Samiti mbahet në Tiranë, duke shpresuar që të ketë dhe disa vendimarrje të rëndësishme për bashkëpunimin rajonal dhe tregun e përbashkët, por dhe për faktin se vjen në një moment të rëndësishëm të të gjithë konfliktit. Është e rëndësishme të ketë një debat të hapur. Ana politike ka një rëndësi të veçantë dhe duhet të zgjidhen disa çështje.

BE do të duhet fillimisht këtë çështje të brendshme dhe duhet të mbajë qëndrime të unifikuara, të jetë në mbështetje të Kosovës, të dënojë sulmin por mbi të gjitha duhet të ketë një reformim që do të zgjasë në kohë dhe duhet të reflektohet në këto momente sepse kemi ende 5 shtete që nuk e njohin Kosovën. Në momentin që ne kemi këtë diskutim të brendshëm mes BE-së dhe disa qëndrime të ndryshme përsa i përket marrëdhënies Kosovë-Serbi, e bën më të vështirë uljen në tryezë të dy shteteve që duhet t’i zgjidhin këto çështje”-tha ajo.

LEXONI GJITHASHTU: 

• Tërmeti 6.2 ballë godet sërish Afganistanin
• Gjosha: Shqipëria duhet të shfrytëzojë Samitin, të përthith sa më shumë fonde nga BE