Debate në Parlament| Deputetët e opozitës: Ilir Beqja na kërcënoi

Seanca plenare e kësaj të enjteje ka nisur me përplasje mes deputetëve të mazhorancësh dhe opozitës.

Deputetët opozitarë pretendojnë se në Komisionin Hetimor të Shëndetësisë ata janë kërcënuar nga ish-ministri Ilir Beqja, i cili ndodhej në komision për të dhënë dëshminë e tij.

“Dje shqiptarët ndoqën një seancë të turpshme në Komisionin Parlamentar të Shëndetësisë. Dje një hajdut 2 metra…Ju filloni seancën pa pasur deputetët. Ju keni çelur seancën pa pasur deputetë. Nuk mund të fillojë pa pasur korum. Dje një akt i turpshëm, i inkurajuar nga dhuna e policisë, nga dhuna që i jepni gardës të ushtrojë ndaj opozitës. Një hajdut 2 metra i gjatë, i burgosur për vjedhje guxon që të sulmojë, të agresojë Kuvendi e Shqipërisë, deputetët e Komisionit Hetimor të Shëndetësisë. Ajo sjellje tregon qasjen tuaj për të mbrojtur hajdutët. Të njëjtën gjë që po përpiqeni ta bëni, u përpoqët dje që të minoni punën e një komisioni hetimor”,-tha Flamur Noka ndërkohë që kryeparlamentarja Spiropali i kërkoi ti përmbahej rregullave të procedurave.

Tonin Gogu tha se situata e ditës së djeshme erdhi si pasojë se dëshmitari Beqja nuk u lejua të jepte dëshminë e tij pasi sipas tij opozita po kërkon të bëj show politik.

“Nëse je interesuar për të vërtetën dëgjo dëshmitarët dhe mos i lër 48 orë të presin salloneve të Kuvendit. Nëse je i interesuar për të vërtetën me çfarëdolloj mjeti, pranoje. Mos u trembni. Pranojini dëshmitarët atje. Sa i përket pretendimit që Konferenca e Kryetarëve ka vendosur gabim ndërkohë që kërkesës së komisionit i mungonin kriteret formale, dua të sqaroj gjithë seancën që juve ashtu siç ja bëtë me dije seancës i hapët rrugën një kërkese që nuk përmbushte kritere formale dhe përsëri vetëm se opozita ka kërkuar. E ka kërkuar disa herë dhe ja kemi plotësuar. Gjithë tollovia e komisionit që nuk po pyet dëshmitarët tregon që ju zotërinj jeni të interesuar për audiencë politike, nuk jeni të interesuar për të vërtetën. Kur dëshmitarin kryesor nuk e dëgjoni, po kërkoni dëshmitarë ekstra tregon që jeni në një mision të pastër show politik”,-tha Gogu.

LEXONI GJITHASHTU:

• “Çojeni në qeli, kërcënoi”- Akuza e përplasje, si komisioni s’mori dëshminë e Beqjas
• Salianji firmos dhe dërgon nga burgu kallëzimin për “TIMS”