Dëborë dhe ngrica në Shkodër/ Temperaturat ulen nën 0 gradë, s’ka probleme me rrugët

Shkodra është përfshirë nga reshjet e dëborës dhe shiut këtë javë. Temperaturat e ulëta kanë krijuar ngrica në rrugë, por që nuk përbëjnë problem për qarkullimin.

“Ndonëse data shënon 18 prill dhe zyrtarisht kemi hyrë në stinën e pranverës sërish kapriçot e motit kanë bërë që prej mbrëmjes së djeshme, qarku i Shkodrës të përfshihet në zonat malore nga reshjet e dëborës. Aktualisht ndodhem në qafën e Thores, ku sërish edhe ditën e sotme vijojnë me intensitet të ulët reshjet e dëborës.”

Temperaturat kanë zbritur në 0 gradë në zonat malore, duke krijuar ngrica, megjithatë autoriteti rrugor shqiptar nuk konstaton problematika në rrugët nacionale.

Në aksin që lidh Bogën me Thethin, trashësia e dëborës arrin në 5 cm dhe të gjitha rrugët janë të kalueshme pa problematika.

Edhe në zonën e Vermoshit raportohet të ketë reshje të lehta dëbore në lartësitë mbi 1500 metra.

Këto kushte atmosferike pritet të shoqërojnë edhe pjesën e mbetur të javës sipas parashikimiy të sinoptikanëve.

LEXONI GJITHASHTU: 

• Shqipëria e 6-ta për aksidentet/Ekspertët: shkak I aksidenteve sinjalistika në rrugë
• Po transportonte 11 emigrantë të paligjshëm, arrestohet 37-vjeçari në Gjirokastër