Pak ditë më parë, debutoi me Kombëtaren shqiptare, duke zhvilluar një tjetër paraqitje pozitive.

Një 90-minutësh tejet i vlerësuar në duelin me Andorrën tregoi që është një futbollist që meriton ftesa të vazhdueshme.

Juljan Shehu po kalon një periudhë fantastike dhe duket se fatin ia ka sjellë Kombëtarja, pasi kthimi në Poloni e ka gjetur me dy gola të realizuar.

Mesfushori shqiptar realizoi edhe në ndeshjen e fundit ndaj Lechia Gdansk, madje në fund ishte dhe lojtari më i vlerësuar për skuadrën e tij.

Një paraqitje pozitive e Shehut, i cili është padyshim ndër lojtarët kryesorë te Lodz dhe me gjasa shumë shpejt do të jetë në qendër të merkatos së transferimeve.

Menjëherë sapo u kthye në Poloni, 26-vjeçari arriti të gjente golin ndaj Piast Gliwice, teksa ka arritur të shënojë në dy ndeshje radhazi.

Flashscore, por dhe kompani të tjera të matjes së performancës, e vlerësuan Shehun me një notë 7.9, më e larta në fushë.

Në përballjet në të cilat ai është aktivizuar, është vlerësuar maksimalisht, ndërsa kjo bën që vëmendja e madhe të jetë te Kombëtarja shqiptare, aty ku po ashtu do të luftojë për të marrë sa më shumë minuta.

LEXONI GJITHASHTU:

“Ishim më keq se autobusi”, Sokol Kushta: Me Anglinë ndeshja më e dobët e Kombëtares