Dedaj: Bundestagu ka informuar krerët e PD se Shqipëria do të bëhet pjesë e BE

Duke folur në emisionin Review, gazetari Reldar Dedaj deklaroi se është vendosur që Shqipëria të bëhet pjesë e Bashkimit Evropian. Ai theksoi se ky vendim i është bërë i qartë edhe opozitës shqiptare.

Dedaj shtoi se informacioni, i cili sipas tij është i saktë dhe jo analizë, vjen nga Bundestagu gjerman.

“Në Bundestagun gjerman kam marrë një informacion që nuk është analizë, por i saktë. Shqipëria do të bëhet pjesë e Bashkimit Evropian. Nuk është për shkak të meritës së Shqipërisë, por për arsye gjeopolitike që kanë vendosur aleatët tanë. Ky informacion i është bërë i ditur Partisë Demokratike në Bundestag. Përfaqësuesit e PD kanë qenë të pranishëm, jo Berisha. Ky nuk është vetëm qëndrimi i Gjermanisë, por konsiderohet qëndrimi i gjithë Unionit Evropian. Në këtë kontekst, Partia Demokratike duhet të jetë konstruktive në raport me retorikën e saj”, tha gazetari.

Dedaj theksoi rëndësinë që PD të tregojë konstruktivitet në raport me retorikën politike në këtë fazë.