Dega e PD Durrës propozon Luan Hotin si kandidat në zgjedhje

Dega e Partisë Demokratike në Durrës propozoi Luan Hotin si kandidat në zgjedhjet e pjesshme vendore të 6 marsit.

Hoti konfirmon për Euronews Albania se dega ka votuar në shumice dërrmuese emrin e tij, për t’ia dërguar kryesisë së partisë Demokratike.

Sipas Hotit, ka pasur diskutime edhe për emra të tjerë përveç tij.

Ndërsa, dega e PD-së në Rrogozhinë ka propozuar Ferdinand Saraçin si kandidat për zgjedhjet e 6 marsit. Këtë e konfirmoi vetë Saraçi në një komunikim me Euronews Albania.

Tashmë vendimi i takon Kryesisë së PD si dhe certifikimi Këshillit Kombëtar të PD.

Partia Demokratike por merr pjesë e ndarë në këto zgjedhje vendore, me grupimin e Berishës që do të kandidojë në koalicion me LSI-në dhe Partinë Demokristiane.

Në emër të këtij koalicioni të quajtur, “Shtëpia e Lirisë” do të garojnë kandidatët e Komisionit të Rithemelimit që u votuan të dielën në primare.

Kandidat i këtij koalicioni për Durrësin do të jetë Ardian Muka.