Deklarata e fortë e Ulsi Manjës: Dan Hutra ka qenë komisioner i PD në burg!

Ministri i Drejtësisë Ulsi Manja deklaroi në fjalën e tij në Kuvend se Dan Hutra ka qenë komisioner i Partisë Demokratike në kohën kur vuante dënimin në burg.

“Do të kishte qenë rezultativ një debat për dhunën me bazë gjinore dhe për dhunën në familje. Unë bashkohem me dhimbjen për viktimat e djeshme të atij krimi makabër, por ju dhe ato i përdorni për politikë sot këtu për të ushqyer revolucionin e ditës së nesërme.

Madje, Saliu këtu edhe autorin e atij krimit të katërfishtë, pa pik turpi e quajti patronazhist kur të gjithë e dinë se për 16 vite në burgjet shqiptare ka bërë komisionerin e Saliut. Janë fakte këto, por ju s’keni nga t’i dini,” – u shpreh Manja.

Ramazan (Dan) Hutra është autori i vrasjes me armë zjarri të 3 grave, të mërkurën në kryeqytet.

Seanca maratonë e Kuvendit këtë të enjteje pritet të zgjasë gati 24 orë. Do të zhvillohet mocion me debat lidhur me çështjen McGonigal.

LEXONI GJITHASHTU:

• Fqinjët rrëfejnë frikën e familjarëve nga Dan Hutra: Kërkuan azil, sa doli nga burgu
• “Kunatën e çoi në Sharrë dhe e përdhunoi”, flet fqinja e Dan Hutrës