Dekretimi i ligjit për Komisionet Hetimore, Basha: Rama ka frikë nga e vërteta

Kryedemokrati Lulzim Basha ka reaguar pas dekretimit nga Presidenti i Republikës, Bajram Begaj, të ligjit për Komisionet Hetimore.

Përmes një postimi në Facebook, Basha shprehet se kryeministri Edi Rama ka frikë nga e vërteta dhe kërkon t’i pamundësojë opozitës transparencën e aferave korruptive.

Ai tha gjithashtu se kohës së pandëshkueshmërisë po i vjen fundi dhe kartonat e Ramës nuk e ndalin dot atë.

Reagimi i Bashës:

Ai që nuk ka asgjë për të fshehur nuk i trembet transparencës.

Makinacionet e Edi Ramës për ti pamundësuar opozitës transparencën e aferave korruptive përmes komisioneve hetimore tregojnë frikën e tij nga e vërteta. Por transparenca për aferat korruptive ku është zhytur sot qeveria, që po varfëron dhe detyron shqiptarët të largohen do të bëhet me patjetër.

Sot gjysma e qeverisë është në dyert e drejtësisë e prapa hekurave, dhe të gjithë ata që kanë abuzuar, së shpejti do të japin llogari për aferat e tyre korruptive.

Kohës së pandëshkueshmërisë po i vjen fundi, kartonat e Edi Ramës nuk e ndalin dot.

LEXONI GJITHASHTU:

• Përplasjet në Komisionin e Medias, reagon Basha: Turp për këta burrecë të vegjël
• “Basha zagar që shiti interesat e demokratëve”, Bardhi përplaset me deputeten e PD