Dekretimi i ministrave, Andi Bushati: Meta më i fortë se dy vite më parë në raport me Ramën

Analisti Andi Bushati është i mendimit se Presidenti Ilir Meta është më i fortë sot se dy vite më parë në raport me qeverinë për sa i përket çështjes së emërimeve.

Në emisionin “Shock” në Euronews Albania, me Bruna Çifligun dhe Baton Haxhiun, Bushati iu referua vendimit të Gjykatës Kushtetuese me çështjen “Caka” dhe tha se “Presidenti sot ka shumë më kompetenca në emërimin e ministrave”.

“Nëse mbani mend në rastin e sherrit të madh të Gent Cakës, se a ka të drejtë Meta ta debatojë apo jo, opinioni u nda në dy palë, një që thoshte Presidenti është thjesht noter, dhe një tjetër që thoshte se ai duhet të shërbejë si filtër bashkë me parlamentin dhe Kryeministrin, vendimi i Gjykatës Kushtetuese i dha prioritet kësaj të dytës,” – analizoi Bushati.

“Nuk është çudi, që të presim ndonjë çudi nga Meta,” – vijoi Bushati.

Sidoqoftë analisti i njohur politik vijoi duke kujtuar se nga ana morale Meta nuk duhet të jetë në këtë diskutim për sa kohë theksoi para zgjedhjeve se “nuk do ta firmosë një mandat të tretë për Ramën”.

LEXONI GJITHASHTU:

• “Firma” e Metës për qeverinë, Baton Haxhiu: S’e marr seriozisht, s’besoj të bëjë shkarje