Presidentja e Kosovës, Vjosa Osmani ka konfirmuar praninë e saj në samitin BE-Ballkani Perëndimor që do të mbahet në Tiranë më 6 dhjetor.

Por një gjë e tillë ende nuk mund të thuhet për kryeministrin e Kosovës, Albin Kurti.

Gazetari i Euronews Albania, Kosovë Gjoci raporton se mbetet për t’u parë nëse Kurti do të marrë një vendim.

“Jo, për aq sa dimë deri tani vetëm njoftimi i Presidencës, që zonja Vjosa Osmani do ta përfaqësojë Kosovën në samit. Ende nuk është bërë e ditur ende nëse aty do të jetë edhe kryeministri Kurti ose dikush nga ministrat. Megjithatë, sigurisht që zonja Osmani nuk do të jetë e vetme, me siguri që do të ketë edhe shoqërues, por kjo mbetet për t’u parë. Sot mund të kemi ndonjë vendim të ri që aty të jetë edhe kryeministri”, theksoi Gjoci.

Ndërsa, nga Maqedonia e Veriut, pritet të mbërrijë një delegacion i vogël.

Gazetarja Ferikan Iljazi deklaroi nga Shkupi se delegacioni do të udhëhiqet nga kryeministri i vendit, Dimitar Kovaçevski.

I pranishëm do të jetë edhe ministri i Jashtëm, Bujar Osmani.

“Nga ajo që di deri më tani, delegacioni i Maqedonisë së Veriut që do të udhëtojë për në Tiranë do të jetë i vogël. Ndoshta, më vonë mund të ketë ndryshime të vogla, por besoj se persoat kryesrorë të cilët do të marrin pjesë në samitin në Tiranë, do jenë kryeministri Dimitar Kovaçevski, i cili e udhëheq delegacionin, i shoqëruar nga ministri i Jashtëm, Bujar Osmani, zv.kryeministri për Çështje Evropiane, Bojan Mariqiq, këshilltari për Marrëdhënie Ndërkombëtare, Edmond Ademi”, nënvizoi Iljazi.

LEXONI GJITHASHTU

• Përse Abazoviç nuk vjen në samitin e Tiranës? Çoba zbulon se ç’po ndodh në Mal të Zi
• 14 liderët europianë që pritet të vijnë në Tiranë për samitin BE-Ballkani Perëndimor