Delvinë/ Kopaçeza u shkrumbua nga zjarri, pamjet me dron tregojnë pasojat e rënda

Pamjet ajrore të realizuara me dron pas shuarjes së flakëve në zonën e Kopaçezës dëshmojnë shkatërrimin e plotë të terrenit nga zjarri.

Një sipërfaqe e madhe me pyje, shkurre dhe bimësi është djegur tërësisht, duke lënë pas vetëm tokë të zezë dhe trungje të karbonizuara.

Zjarri, i cili u përhap me shpejtësi për shkak të erës dhe temperaturave të larta, ka shkrumbuar gjithçka në rrugën e tij.

Banorët dhe forcat e emergjencës kanë luftuar për ditë me radhë për të vënë flakët nën kontroll, por dëmet mbeten të konsiderueshme.