Përfaqësuesja e PD: Berisha dhe Rama kanë rënë dakord për të bllokuar parlamentin

Anëtarja e kryesisë së Partisë Demokratike, Taulanta Jupi ishte këtë të martë e ftuar në Euronews Albania ku foli për situatën e krijuar mes deputetëve opozitar, përçarjes së Partisë Demokratike si dhe për Bllokimin e parlamentit.

Sipas saj, bllokimi i parlamentit nga deputetët e Partisë Demokratike, është një situatë e dakordësuar mes kryeministrit Rama dhe Sali Berishës, pasi sipas saj atyre u intereson që kjo situatë në Shqipëri të mos ndryshojë.

“Bllokimi i parlamentit në fakt, në gjykimin tim është një bllokim i dakordësuar ndërmjet Sali Berishës dhe Edi Ramës, sepse u intereson të mos ketë asnjë ndryshim të kësaj situate. Shqipëria është në një pikë, ose kthese, ose vdekje.

Pa dyshim është shumë e rëndë kjo që po them, por t’i shohësh bashkë në atë shoë, Ramës i qendron që ka përballë një opozitë, apo një grupim të opozitës që bën atë lloj zhurme dhe padyshim këtë ai e përdor për t’i treguar Bashkimit Europian, i ka lënë Shqipërisë.

Ne jemi 17 muaj larg nga hapja e negociatave dhe nuk kemi bërë asnjë progres në 35 kapitujt që ka për detyrë Shqipëria për të ecur përpara në procesin e integrimit. Rama ka dërguar një letër për t’u justifikuar në BE për tre kapituj”,-tha Taulanta Jupi.

LEXONI GJITHASHTU:

• Fshehu dënimin në Greqi, merret i pandehur nga SPAK kryebashkiaku socialist
• “Bllokada” e Greqisë për “Belerin”, eksperti: Nuk mund të shmanget roli i drejtësisë