Dënimi i poetes Ahmeti për ndërtim pa leje, Rama sulmon sërish Prokurorinë e Tiranës

Kryeministri Edi Rama ka reaguar pas dënimit të poetes dhe autores së disa këngëve Mimoza Ahmeti për ndërtim të paligjshëm.

Rama thotë se çdo ndërtim pa leje është i dënueshëm por zelli milimetrik në dënimin e atyre që e shkelin ligjin në pronën e tyre të bën për të vjellë.

Nga ana tjetër kreu i qeverisë thotë se dosjet për evazion fiskal, pastrim miliona dollarësh flenë në Prokurori e kjo e fundit merret me gjëra të vogla.

“Pas një këngëtari ja edhe një poete, që dënohet me zell nga pikërisht Prokuroria e Tiranës, ku dosjet e denoncimeve nga organet shtetërore për ndërtime të paligjshme për qëllim fitimi apo për evazion fiskal me miliona USD dhe për pastrim të miliona USD, flenë të patrazuara!

Patjetër që çdo ndërtim pa leje është i dënueshëm me ligj, po zelli milimetrik në dënimin e atyre që e shkelin ligjin në pronën e tyre të bën për të vjellë përballë mosveprimit sistematik të Prokurorisë së Tiranës ndaj atyre që për qëllime fitimi bëjnë shkelje kilometrike”- shkruan Rama.

LEXONI GJITHASHTU: 

• Ndërtimet pa leje, Bardhi i përgjigjet Ramës: Po favorizon oligarkët
• Biznesmenët kanë paguar 45 mln euro taksë për ndërtimet në Tiranë