Gazetarja Juela Meçani thotë se kandidatët e Enkelejd Alibeaj hyjnë në zgjedhje me qëllimin e qartë për të çuar drejt humbjes PD e vërtetë.

Në një intervistë për Euronews Albania, Meçani u shpreh se dalja në publik e Lulzim Bashës në këto momente nuk është e rastësishme, por lidhet pikërisht me qëllimin për të humbur votat e PD në ato bashki ku ajo ndahet për shumë pak vota me PS.

“Në momentin që del me kandidatë në primare i bindur që do humbasësh, futesh kur ke një garanci se do fitosh diçka tjetër. Deri dje mund të kishte dilema, sot nuk ka më se është matematikë. Ata futen absolutisht për të çuar në humbje PD e vërtetë në ato bashki që ndahen për shumë pak vota me PS”, tha Meçani.

LEXONI GJITHASHTU:

• Gazetarja Juela Meçani: Kandidatët e Alibeajt kanë marrë 20 tendera
• “Pazar për zgjedhjet lokale”, gazetarja: Deputetë të PD-së në valle me maxhorancën