Deputeti Agron Shehaj u shpreh në një intervistë për Euronews Albania se Edi Rama filloj ta sulmonte në biznesin e tij, pasi denoncoi Olta Xhaçkën dhe Damian Gjiknurin se janë bërë investitorë strategjikë.
“Pasi ka denoncuar çështjen Xhaçka, çështjen Gjiknuri, që janë bërë investitorë strategjikë me firmën e Edi Ramës, pas këtyre denoncimeve, Rama dërgon policinë në ambientet e biznesit tim, me qëllimin që unë të mbyll gojën. E pa që unë nuk iu nënshtrova dhe tani fillon me sharje. Asgjë e vërtetë, vetëm gënjeshtra”, u shpreh Shehaj.
Deputeti sqaroi se biznesni i tij nuk është në një godinë pa leje dhe se ka një kontratë të rregullt qiraje.
“Është gënjeshtër ku thotë që është futur në një godinë pa leje. Unë kam një kontratë të rregull qiraje, unë jam regjistruar në tatime në atë godine. Një biznes brenda një godine me leje ndërtimi. Nëse është shkelur leja dhe kush do të merrte masa? Ky është Edi Rama. Në vend që duhet të ndëshkojë atë që ka ndërtuar, më ndëshkon mua. Ka gjetur një prektest për të sulmuar”, tha ai.
LEXONI GJITHASHTU: