SHBA shpall ‘non grata’ të dashurën e presidentit Putin

Shtetet e Bashkuara të Amerikës kanë ndërmarrë sanksione ndaj oligarkëve të tjerë rusë.

Mes të sanksionuarve është edhe kampionia olimpike Alina Kabaeva e cila sipas raportimeve ka qenë e dashura e presidentit Putin me të cilën thuhet se ka katër fëmijë.

Departamenti amerikan i Thesarit ngriu vizën për 39-vjeçaren dhe vendosi kufizime mbi pronat e saj. Kabaeva ka qenë anëtare e Dumës ruse dhe është presidentja e një kompanie mediatike e cila ka promovuar pushtimin rus në Ukrainë.

Në muajin maj Britania dhe BE sanksionuan po ashtu Kabaevën.

Listës së oligarkëve të sanksionuar I shtohet edhe Andrey Guryev, I cili zotëron pasurinë Ëitanhurst, një rezidencë me 25 dhoma gjumi që konsiderohet të jetë pasuria e dytë më e madhe në Londër pas Pallatit Buckingham.

SHBA bllokoi gjithashtu lëvizjen e jahtit të tij prej 120 milionë dollarësh, Alfa Nero, dhe sanksionoi edhe djalin e tij.

Departamenti amerikan i Tregtisë tha se 25 avionë Airbus që operohen nga kompani ruse, kanë shkelur rregullat e kontrollit të eksporteve të SHBA-së dhe u futën po ashtu në listën e sanksioneve.

LEXONI GJITHASHTU:

• Putin: Në një luftë bërthamore nuk mund të ketë fitues
• Putin: Shtetet e Bashkuara janë kërcënimi kryesor për Rusinë