Departamenti Amerikan i Shtetit dhe ambasadorja Kim mesazh për zgjedhjet e 25 prillit

Departamenti Amerikan i Shtetit ka përgëzuar qytetarët shqiptarë për procesin zgjedhor të 25 prillit, ndërsa thekson se SHBA pret forcimin e mëtejshëm të partneritetit me Shqipërinë.

“SHBA përgëzon popullin e Shqipërisë për zgjedhjet e tyre të fundit. Ne shpresojmë të vazhdojmë partneritetin tonë të ngushtë me Kryeministrin Rama dhe të përgëzojmë fushatën e fortë të opozitës. Respektimi i rezultateve të zgjedhjeve legjitime forcon demokracinë e Shqipërisë”, thuhet në njoftimin e zëdhënësit të DASH, Ned Price.

The U.S. congratulates the people of Albania on their recent elections. We look forward to continuing our close partnership with Prime Minister Rama and commend the opposition’s strong campaign. Respect for the results ​of legitimate elections strengthens Albania’s democracy.

— Ned Price (@StateDeptSpox) April 28, 2021

Po ashtu edhe kryediplomatja amerikane në Tiranë, Yuri Kim i ka uruar fitoren kryeministrit Rama dhe po ashtu ka përgëzuar fushatën e liderit të Partisë Demokratike të Shqipërisë, Lulzim Basha.

“Ne e përgëzojmë Kryeministrin Partia Socialiste në fitoren e tyre elektorale. Ne gjithashtu përgëzojmë Kryetarin e PD-së Lulzim Basha për udhëheqjen e një fushate të fortë që u dha zë shumëkujt & frymëzoi shpresë”, shkruan ambasadorja.

Më tej, në reagimin e saj në “Twitter” znj. Kim thotë se duke njohur rezultatin e 25 prillit dhe duke bashkëpunuar me njëri-tjetrin, udhëheqësit politikë  do t’i shërbejnë më mirë perspektivës dhe të ardshmes së shqiptarëve.

(3/3) We note @osce_odihr‘s preliminary report & look forward to the final rpt, which should be used to further improve Albania’s elections. We reiterate that law enforcement & judiciary should prosecute any who violated law & obstructed citizens’ right to vote freely & in peace.

— Ambassador Yuri Kim (@USAmbAlbania) April 28, 2021

“Më e rëndësishmja, ne e përgëzojmë popullin shqiptar, i cili foli qartë. Duke njohur rezultatet e këtyre zgjedhjeve dhe duke bashkëpunuar me njëri-tjetrin, udhëheqësit do të veprojnë me përgjegjësi për të mirën e popullit shqiptar. Ne shpresojmë të punojmë me Shqipërinë për të forcuar më tej bashkëpunimin mbi demokracinë, mbrojtjen dhe biznesin. Ne përsërisim që zbatimi i ligjit dhe gjyqësori duhet të ndjekin penalisht cilindo që shkel ligjin dhe pengon të drejtën e qytetarëve për të votuar lirshëm dhe në paqe”, shkruan ambasadorja Kim.